Sa aming pagpunta sa mga mall ng Laguna, kami’y
nagsimulang pag-aralan at ipag-kumpara ang mga uri ng mga tao na pumupunta
rito.
Ating bigyan ng pokus ang mga ito
Walter-Mart
Ang mall na ito hindi gaanong malaki ngunit puno ng mga
kiosk at stall sa kanilang main hall. Masasabi nating ito’y parang isang
malaking supermarket at department store kung saan mapaparito ka hindi para
tumambay kundi mamili. Puno rin ito ng mga budget shops gaya ng mga surplus
stores sa damit, appliances, pati na rin ang mga kagamitang pambahay. Malimit
na ang mga pumupunta ritong mga tao ay mga pamilya na madalas makikita sa
supermarket at naghahanap ng kanikanilang mga kasangkapan. Bibihira rito ang mga
teenagers na madalas mo nama’y naproroon sa may sinehan. Kitang kita ang
pagkakonti ng mga tao dito kahit na nagsimula kami sa aming pag-oobserba noong
tanghali ng biyernes na ating masasabing araw ng pamamasyal ng mga nakakabatang
populasyon. Bibihira kang makakita dito ng mga nag-wiwindow shopping o mga tao
na tumitingin tingin lamang ng mga produkto ng mga shops. Kakaunti ang mga
lugar panlibangan at masasabi nating mapaparito ka talaga para mamili ng
kasangkapan at hindi ito ang tipikal na lugar na pinupuntahan ng mga tao
panlibangan.
SM
Ang SM ay isang napakalaking mall na puno ng malawak na
variety ng mga shops. Mapapansin natin na makikita sa estado ng buhay ng mga
tao sa mga parte ng mall kung saan sila namamalagi. Mapapansin natin sa marami
sa mga nakakabatang populasyon rito ay makikita sa mga arcade gaya ng Quantum
habang ang mga pamilya naman ay makikita mo sa food court kung saan sila
kumakain. Kapansinpansin din ang dami ng mga taong naglalakad lamang at
namamasyal sa mall, mas marami pa ang makikita mong tumatambay kaysa namimili.
Kapansin- pansin din ang pagkakakaunti ng mga tao sa mga shop area na mamahalin
gaya ng sa may cyber zone. Di hamak na talagang diverse kuno ang mga uri ng mga
taong namamalagi sa SM dahil na rin sa laki at dami ng shops na nagbibigay ng
oportunidad para sa iba’t-ibang uri ng mga tao. Dito mo rin makikita ang hilig
ng mga tao sa iba’t ibang uri ng entertainment lalong lalo na sa event center
kung saan makikitang mong nakakumpol ang mga tao sa panonood ng beauty contest
ng mga buntis, pati na rin ang singing contest matapos noon. Hindi nauubos ang
pagbuhos ng tao dito kahit na noong abutin na kami ng dilim. Sa katunayan maari
nating sabihin na hindi nauubos ang pagdagsa ng tao sa SM dahik hindi rin
nauubos ang gagawin dito.Di gaya ng tipikal na mall kung saan ay pupunta ka
lang para mamimili, pupunta ka sa SM para maglibang.
Ang pagkukumpara
Sa aming pag-oobserba sa mga tao sa Walter-mart at SM ay
kapansin-pansin ang mga bagay na sumusunod:
Laki ng lugar: Ang laki ng lugar ay isang paraan para
manghakot ng mga tao, ang SM halimbawa ay talaga naming napakalaki at punong
puno ng iba’t-ibang mga shop na di makikita sa ibang malls. Ang walter-mart
naman ay isang lugar pamilihan na malimit pinupuntahan para mamili at makamura,
kakaunti ang mga tumatambay ngunit kahit maliit ay maaliwalas. Masasabing
pinupuntahan ang walter mart dahil alam mo na ang iyong hinahanap at isang
venue para sa mga pamilyang nagrogrocery.
Ang SM sa kabilang banda ay matatawag mong tamabayan ng
bayan. Mula sa iba’t ibang shops na nagbibigy oportunidad para sa iba’t ibang
klase ng mga tao mapabata, matanda, mayaman, o sakto lang ay puno rin ito ng
mga events na siya naming inaabangan ng mga tao
para puntahan at panoorin. Maari ka pa ring tumambay dito na hindi
nakakaramdam ng pagkailang dahil sa sobra nitong laki at dami ng tao di gaya ng
sa walter-mart na wala na masyadong gagawin pagkabili mo ng iyong kailangan.
No comments:
Post a Comment